Gedanke

Umdat d’r hoesdokter ’t neet mieë wis
wachs te óp d’r oetsjlaag bei d’r sjpesialis
bis nurges mieë, va angs bevange
gans kling, ónger ing patsj te vange

noe geet ’t dich an de prie
’t is toe bie or not toe bie
doa in de papiere sjteet ’t sjwat óp wit
doe wils ’t wete, of egelik óch wer nit

angs en beëve naat va sjweet
ee hupke ieëlend, mieë bis te neet
deks ing groeëte moel en zoeë virtuoos
noe hings te an ’e veëmke dun en broos

gezónkheed, doavuur mós te Inne bedanke
bis get dekker mit dieng gedanke bei d’r kranke.